Ana R.愛犬病倒食藥執金
新婚燕爾的混血名模Ana R.與老公Brad及兩頭史納莎愛犬組成四口之家，原本是開心家庭，但個多月前愛犬「Gucci」患上腸胃病，每天腹瀉不停，Ana每日廿四小時貼身照料愛犬，今日除夕亦取消所有慶祝活動，留在家與愛犬一起倒數。
Ana R.婚前已飼養兩頭史納莎狗女，「大女」名叫「Gucci」，「細女」名叫「Angel」，Gucci現年12歲，跟Ana的感情最要好，Ana說無論自己開心不開心，都會跟Gucci傾訴，笑言Gucci知道她所有秘密。
12月剛新婚的Ana原本是開心新娘，但Gucci卻大病一場，令她擔心不已，她說：「其實佢病咗成個幾月，一直腹瀉不停，初時發病頭三日仲唔肯食嘢，幸好依家肯食番嘢，但係腹瀉無好到，由原本20幾磅肥狗，得番12磅皮包骨，睇過好多醫生，都搵唔到病因，我同老公都好擔心，原本結婚我好開心，但一諗起佢，我就好傷心。」她續說：「依家我唔可以離開屋企超過兩個鐘，因為要定時餵佢食藥，同埋要幫佢抹屎，好似今日我出去做嘢，老公就要返屋企睇實佢，如果出埠，就會請個鐘點工人嚟幫手。」
病情唔樂觀
Ana R.說幸好Brad同是愛狗之人，亦愛屋及烏很愛錫「大女」和「細女」，對於Gucci的病情，Ana表示不太樂觀，她無奈地說：「好擔心有事會發生。」原本今日除夕，是她婚後與老公的首個除夕夜，但她決定取消慶祝，會留在家與兩頭愛犬一起倒數。
文：名人組