萬綺雯暪老公 情挑李思捷

萬綺雯（蚊蚊）、李思捷前日於九龍塘為劇集《牛頭愛搭馬嘴》拍攝，二人於劇中有感情線，前日先拍二人於車上的戲份，跟着就拍攝思捷於雨中換車胎的情節，拍至蚊蚊眼見思捷換胎時整污糟塊面，就幫他抹面時愈哄愈埋，二人更差點kiss了。

私下傳短訊

拍攝揸車戲時，由蚊蚊駕駛，問到攝影機放於車頭，拍攝時視線會否受阻，她說：「唔會，呢套劇我經常都揸呢架車，所以好熟手。」她又指拍了此劇兩個月，都很開心，之前聖誕更與劇組於廠內開party，大家合作得相當愉快，蚊蚊今次更是與思捷首度合作，但就甚有默契，思捷更讚她拍得很sweet。問到蚊蚊拍攝情侶甜蜜戲需否跟老公備案時，她謂：「唔使，不過思捷私下有同我老公whatsapp，佢哋好friend。」

支持陳雅倫

此外，陳雅倫之前入稟高院指控壹傳媒旗下雜誌《忽然一周》於報道大字標題「留種風波」，內容更令讀者誤會她以人工方式求孕及BB父親為思捷，對此，思捷表示有看報道，他謂：「相信佢有問法律意見先會作出行動，（支持佢？）我冇同佢傾過呢件事，但都支持，始終佢損失咗片約同廣告，如果從法律上可追討番，都支持佢咁做。」思捷指自己是男仔，影響不太大。

李思捷獲萬綺雯細心抹面。

萬綺雯和李思捷差點在雨中咀嘴，十分浪漫。

文：影視組