視后阿田效忠無綫 阿澤等食軟飯
田蕊妮前晚成為雙料視后，她在台上感激老公杜汶澤照顧，當時正與古天樂食飯的阿澤得悉老婆攞獎後，高興得極速隊醉自己。老婆名成利就，阿澤笑說：「我嘅志願係食軟飯，希望佢打出名堂，我就唔使做喇。」阿田更強調不會離開無綫，也沒想過加薪。
田蕊妮前晚在無綫《萬千星輝頒獎典禮2013》奪「最佳女主角」及「最受歡迎電視女角色」，阿田在台上感激老公杜汶澤照顧，令她能無後顧之憂演戲。阿田昨凌晨一時半離開電視城與粉絲開香檳慶祝，她說：「阿澤喺電話度好激動，讚我好叻，多謝佢豐富咗我人生，自己有啲內疚，成日唔喺屋企，冇做好老婆本分。」
隊冧自己賀老婆
阿田坦言沒想過加薪，還強調一定不會離開無綫。對於張智霖失視帝，阿田說：「我都好迷Cool魔，但亦好欣賞黃子華，子華攞視帝都係實至名歸。」
阿田前晚得獎時，阿澤正與古天樂邊吃飯邊睇電視支持，但阿澤隨後卻大醉，被送返屋企。阿澤昨接受電話訪問時說：「當時好開心，唔使古仔出手，我已經自己隊冧自己。」對於老婆發表感激宣言，阿澤說：「養家留番畀我啦，佢努力追尋理想，做戲有壓力唔得。」
昨午五時阿田與阿澤離開大埔康樂園寓所到尖沙咀，期間阿澤大讚老婆，但因怕醜沒應要求錫老婆，他笑說：「我嘅志願係食軟飯，可惜我唔夠靚仔，希望佢打出名堂，我就可以唔使做喇。」問阿田可希望加人工？阿澤搞笑搶答說：「無綫加得幾多呀，我都係要捱吓。」
讚張智霖有魅力
對於張智霖意外失視帝，阿澤說：「Chilam有佢魅力，亦睇得出子華放咗好多心機喺套劇，每個頒獎禮都有唔同準則，Chilam係我十大朋友之一，相信佢能夠應付，佢會更受歡迎同更紅。」
文：影視組
攝：追蹤組