靚靚收老公鑽鈪：多謝TVB
Chilam完成前晚頒獎禮後，匆匆離開電視城到北角消夜，太太袁詠儀（靚靚）與經理人蕭定一都有現身。Chilam雖然大熱倒灶，但毫無影響心情，叫到一枱龍蝦刺身、生蠔美色，且吃得津津有味。
Chilam更準備了一隻價值六位數的鑽石手鈪送給靚靚，並即場為靚靚戴上。靚靚看到鑽石手鈪即笑到「見牙唔見眼」，但就嫌Chilam為她戴上時有點粗魯，她帶笑說：「我好鍾意啊，多謝TVB！真係太爽嘅事，原本就諗住安慰下佢，原來係佢帶畀我開心。」問到Chilam是否預計失落「最佳男主角」才送禮物給靚靚？Chilam否認表示不論輸贏都會買來哄太太，靚靚聞言賣口乖說：「我之前都有為你擔心過o架，TVB唔愛你唔緊要啦，我愛你嘛！」
