張智霖失帝關鍵 專業評審唔Buy
前晚飲恨視帝的「Cool魔」張智霖（Chilam）被指「死因不明」，據知，背后「死因」全因失掉專業評審心，被出爐視帝黃子華力壓，再加上同劇的「Sam哥」吳鎮宇分薄票數所致。
張智霖前晚大熱倒灶視帝之位，僅得「我最喜愛的電視男角色」一獎。據知，Chilam本為視帝第二名，馬國明第三，吳鎮宇則第四，而在觀眾票選排首位的Chilam，卻因專業評審票選中敗給子華及同劇的鎮宇，因而分薄票數，失落視帝。其實自爆多次重拍戲份及自行改劇本的Chilam，去年曾在微博炮轟《衝上雲霄II》助導（PA）亂發通告，片中古堡激情戲及結局篇被大刪戲份，老婆袁詠儀亦在微博大表不滿，難免令Chilam失票。
繼續為TVB拍劇
不過Chilam前晚接受傳媒訪問時，直言已心滿意足，他說：「大熱係要嚟倒灶，最唔抵係輸畀太太，講無綫唔鍾意自己係講笑咋！」而他在慶功時，又指賽果皆大歡喜：「依家嘅賽果係最正常，大家各有支持者，係皆大歡喜。（言論影響與無綫日後合作？）梗係繼續拍啦！好多謝無綫畀個好好嘅平台同機會我，其實係雙贏局面。」
冇為官方周刊拍照
提到網民對他於台上的言論評價好壞參半，Chilam笑言當時那番說話只是率直的想法：「我冇惡意，只係講下笑咋，唔係唔玩得啊？呢個係大部份人嘅心水，我會尊重佢哋意見。」Chilam又覺得這次賽果正常，更打趣地說：「唔好以為吳鎮宇少Fans啊！」
另外，Chilam在電視城門外先跟十數粉絲開香檳慶祝，惟上車離開的他突然又折返，原來是大頭蝦遺留服飾於電視城內，追問到沒有拍攝周刊封面及接受得獎訪問，Chilam直言知道粉絲們冒大風大雨等候，當時一切也不及他們重要，而其經理人蕭定一幫忙解釋道：「我哋當初收嘅指示係如果得到視帝就要咁做，依家唔係，又無講要做咩，咁無留都係正常。而企業傳訊部副總監曾醒明強調，頒獎禮前後應該有工作人員通知，他更表示Chilam指自己有事要先走。
文：專案組
攝：追蹤組