阿Lam寸仔 愛蒲女友多
林子祥（Lam）前晚出席自己有份參與設計的品牌發布會，林家總動員撐場，囝囝林德信（Alex）、阿Lam媽媽和太太葉蒨文（Sally）更與阿Lam在台上合唱一曲，好友朱玲玲亦畀面到場。剛榮升為公公的阿Lam一提起孫女即笑不停:「個女同baby仲喺醫院，差啲四代同堂！」並指孫女較似媽媽:「佢手指好長，最特別係手掌腳掌都好大，希望佢會高，因為daddy好高。」
朱玲玲為剛晶平反
問他會否催Alex早日結婚時，阿Lam即瞪大眼，並揶揄囝囝說:「結咩婚？日日夜蒲！」Alex即面紅地急於澄清:「我努力工作o架！」阿Lam繼續笑他說:「你努力夜蒲！」又反問Alex有多少個女友，Alex一臉尷尬地說:「我有好多朋友，開心啲。」最後阿Lam亦為他打圓場說:「佢自細多朋友，男女都有！」
同場的朱玲玲被問到有傳新抱郭晶晶搬離霍家大宅避爭產案一事時，即封口不談說:「唔好意思，個活動就開始，再講好似唔係幾好。」當一再求證時，身旁的Sally幫口說:「唔好信人哋講。」最後朱玲玲否認報道所說:「冇咁嘅事，佢哋一向有自己嘅地方，可能見佢哋搬，先搵嚟寫。」
文：音樂組