周汶錡與蒙嘉慧前晚出席有關助養兒童的活動時，周汶錡表示自己也有助養內地兒童，問她可會寫信給她助養的小朋友？她說：「以前都會寫信畀佢哋，但依家助養得太多喇，好慚愧，覆唔晒。（想唔想生BB？）想，慢慢嚟，會生但係唔知幾時。」她又透露之前婚禮收到的人情已全數捐予慈善機構，可謂善心滿溢，她說：「啱啱搞掂，因為有好多機構。（老公知唔知？）老公都唔知道，呢啲嘢唔需要周圍同人講。」
