娜姐DaDa睇票房慢慢剝
女星周秀娜、盧頌之（DaDa）及余曉彤（Hidy）前晚包到冚為新戲《爆3俏嬌娃》到旺角戲院謝票，娜姐揚言要視乎票房再考慮更激打扮，DaDa笑言：「慢慢剝啦！都爆咗咁多日，儲吓先。」Hidy笑指若票房到一千萬時會爆DaDa的男友是誰，三千萬就爆娜姐的男友，娜姐無奈地說：「惟有到時冇都爆個出嚟。」
問到會否叫前男友陳偉成（Avis）捧場？娜姐說：「我有叫晒我電話簿嘅朋友。（你刪咗佢電話？）希望所有觀眾支持，呢部戲都好啱女仔睇。」問會否叫Avis帶女友捧場？娜姐即尷尬的說：「入場支持就開心。」DaDa語帶諷刺說：「嗰個人同個女人可能喺屋企爆得仲勁，都睇夠啦。」另外，娜姐接受TVB Good Show台節目訪問，表示不介意忘年戀。
