鍾昊熱爆封4料亞生

昨晚18位亞生鬥身材及才藝，最終由廣州的(4)鍾昊成為新一屆亞洲先生冠軍，亞軍是馬來西亞(14)余健深，季軍是菲律賓的(15)狄凱亞。全晚節目頗多悶場又兒戲，未夠半小時已分豬肉頒發多獎，包括(4)鍾昊奪「亞洲炫帥大獎」、(13)楊志仁奪「最佳情人大獎」、(16)劉建偉奪「花漾美男大獎」及(7)王鐘奪「亞洲猛男大獎」，其後鍾昊再連奪「亞洲型格大獎」及「亞洲魅力大獎」，大熱到爆。

泳褲似尿片

最令人期待的泳褲環節同樣沉悶，眾男身穿「閃亮泳褲」騷肌，但白色一款猶如成人尿片；另一環節「腦電波大激鬥」中劉建偉被迫與黃夏蕙對望，超級騎呢！而原子鏸表演鋼管舞最有睇頭，她做出一字馬、倒吊「倒奶」等高難度動作，相反幾位亞生表情吃力猶如反轉蛤蟆！兩位亞姐主持顏子菲及張家瑩則鬥蝦碌，子菲將鍾昊胸肌「軟硬適中」講成「軟硬失蹤」，而張家瑩將13的英文講錯做17。

左起：(4)鍾昊、(14)余健深、(15)狄凱亞及(16)劉建偉打入四強。

菲律賓遇風災，由菲國代表(15)狄凱亞代為接收善款，而得獎亞生亦將所得獎金六萬元全部捐出。

評判睇身材

此外，子菲身穿紅色低V透視裝相當性感，她笑言全靠設計師馬偉明化腐朽為神奇；嘉賓陳嘉桓表示對日本(18)大塚寬之最有印象：「佢送朱古力賀我生日。（追你？）唔知，冇咩傾其他嘢。」評判孫佳君表示揀男仔首要睇樣，其次是身材及內涵，她表示心水是(4)鍾昊及(14)余健深，直認鍾情大隻仔。

原子鏸表演鋼管舞時「倒奶」展示高難度動作。

(16)劉建偉（左）與(13)楊志仁分別奪最佳美男及最佳情人獎。

文：影視組