楊怡白色聖誕唔使男友陪
視后楊怡及「巨聲幫」吳業坤昨日到大埔新達廣場出席《小紅帽聖誕奇遇記揭幕禮》，兩人與觀眾大玩遊戲，又落台送禮物，氣氛熱烈。楊怡及坤哥在台上分享聖誕願望，兩人都希望到外地過白色聖誕，坤哥即相約楊怡同遊，又多次表示希望加入對方的Party，完全毋懼楊怡男友羅仲謙會呷醋。
送禮物氹細路
楊怡也想聖誕放假開P，但下月要開新劇，因此未必能成事，並表示想到芬蘭的聖誕老人村：「我細個有掛襪喺床頭，屋企人會放禮物嘅，但都係糖同公仔，唔夠驚喜，所以想去吓聖誕老人村。我又未試過白色聖誕，覺得都幾浪漫。（同男友過？）有屋企人喺身邊都好享受嘅。」問到最想收到甚麼聖誕禮物？她說：「我反而係想送禮物畀小朋友，同啲姨甥、朋友嘅仔女一齊，見到佢哋拆禮物個興奮樣，仲開心。（自己生個？）準備好先啦！婚都未結。」
文：影視組