龔嘉欣獲力捧賣命報恩

「萬千星輝賀台慶」將於下周二舉行，屆時小生花旦將傾巢而出，還會落力表演。昨日陳百祥（阿叻）便聯同葉翠翠、歐陽巧瑩、張秀文、林夏薇、龔嘉欣、陳自瑤等綵排花式足球，現場所見，一眾姐仔似乎沒甚運動細胞，於跳足球舞時手腳不協調，呂慧儀與歐陽巧瑩還一度控制不到足球，不過眾女於俯身控球時卻春光乍洩，當中港姐級葉翠翠及張秀文走光指數最高，事業線盡現，反而已為人妻的呂慧儀因衫領較高輸成條街。

林夏薇傷腰骨

已第三年參與台慶的林夏薇，透露今次練習花式足球時熱身不足導致腰骨受傷，惟該動作最後也遭刪減，談到區偉林日前公開點名力捧她與龔嘉欣，夏薇笑謂：「初初聽到時，嘉欣仲同我講係咪玩嘢節目，不過當然開心，多謝公司畀好多機會我哋，令到大家更有動力再做好啲。」而嘉欣則謂︰「好開心，嗰晚都有同夏薇過去區生度多謝佢，（會賣命畀公司？）賣o架！我份合約仲有好耐時間。」

林夏薇（右）和龔嘉欣（左）都獲無綫點名力捧。

張秀文及陳自瑤（圖）都努力學習控球。

阿叻自爆贏錢

至於阿叻則透露表演該節目同時，順道為明年巴西世界盃宣傳，笑指擁有播映權的無綫並沒有利潤，故他惟有收取友情價參與節目，幸而日前買孖T贏了120萬獎金，他謂：「我讀唔成書，但行足10年運，一台獨大都要運，唔關無綫事，好似曾志偉少少獨大都要落嚟辭職，但我新屋風水好，買隻新貓都改名叫阿旺。」

張秀文	呂慧儀（右）穿t-shirt上陣，比葉翠翠失色。	阿叻（後排左四）以前輩身份帶領一眾後輩綵排。

文︰影視組