張暖雅遭情敵騷擾兩年

艷星張暖雅前晚在微博自言受到長達兩年的騷擾，她昨日在電話中回應：「嗰個係我前度嘅現任女友，2010年佢搭上我當時嘅男友，我唔想理佢，但佢不停留言畀我、我嘅朋友、fans，係咁騷擾，仲要求我畀20萬，佢成日話：『我男友話錢畀晒張暖雅，所以要攞番』，個男人同我一齊時都係講同一番話啦！」張暖雅表示事件並非在香港發生，很難循法律程序追究。