娜姐谷胸謝票被爆一陣味

娜姐、Hidy、Dada等近日忙於為主演新片《爆3俏嬌娃》力谷宣傳，繼前晚到戲院為優先場謝票後，昨午又拉隊到商場舉行活動。娜姐連續兩日胸前露深溝，她表示聞得優先場票房已「見紅」，故前晚悉心以鮮紅色裙現身配合，問到她是否打算繼續走打女路線，娜姐謂：「多方面嘗試囉，好似嘟姐（鄭裕玲）及梅姐（梅艷芳）咁，搞笑、文藝樣樣都得。」有指電影未正式上映，已計劃拍續集，而娜姐接下來的日子將回歸香港，手頭上已有兩部片約在手。

兩日冇洗頭

Hidy因皮膚敏感被迫封胸，昨日則騷長腿表演腿功與猛男對打，結果疑似露底。她又爆娜姐小秘密謂：「拍攝期間我哋去咗污水廠取景，佢兩日冇得瞓又要打，搞到兩日冇洗頭，個身好似有陣味。」娜姐聞言反爆Dada邋遢：「佢拍完喺地下被拖行嘅戲，竟然唔洗手就食飯。真係拍得幾辛苦，所以係我哋3個入行最弗嘅時代，如果再開拍續集，我哋好想同導演對打番一場囉。」

自爆拍拖的Dada（左）心廣體胖，被經理人勒令減肥。	童冰玉早前遇劫受傷，曾擔心毀容。	Hidy、卓韻芝、娜姐、Dada前晚到戲院謝票。

Dada蜜運中

Dada則自爆新戀情，直指男友乃圈中人，但拒絕透露身份，戀愛中的她難免心廣體胖，表示現在有110磅，被經理人勒令減肥。而有份參演一角的馬來西亞女星童冰玉月前在當地遇上劫匪受傷，她坦言至今猶有餘悸：「好彩後來電影公司都請咗兩個保鏢畀我，周圍拍戲真係冇得避，曾經擔心過毀容。」

文：影視組