陳豪生B當榮譽續約拖住先

陳豪前晚以貴賓身份出席全新BMW X5揭幕酒會與祝酒儀式，快將約滿無綫的陳豪坦言，續約一事仍在考慮中：「我一直好感激無綫，佢畀我offer好好，我覺得要考慮將來係最重要，所以要多啲時間諗，唔好再揣測咁多。（仲有三個月約滿？）詳情唔方便講。（改簽部頭形式？）我一直係包薪演員，同部頭形式差唔多。」

憑實力取勝

有指經理人向無綫請辭而令陳豪有意離巢，對此陳豪稱仍未有決定前全部都是謠言，並否認計劃自組公司。問陳豪若無綫畀獎給他作挽留會否考慮？他認為不應將嘉許變成道具，亦不應涉及政治因素，否則獲獎也不光榮，又說：「我拍戲係令角色更傳神，獎唔係唔攞，但唔係大前提。我最想得到大家認同去攞獎，憑實力取勝。」

對於有傳張智霖會奪視帝，陳豪讚他犀利，又自言有仔萬事足：「我有冇獎都開心，我嚟緊都有個獎會出世。（太太有冇畀意見？）係支持我，佢要顧好孕婦工作先，我哋互相支持。」談到無綫限制藝人在內地拍劇賺人仔，陳豪笑言：「好彩我唔多返內地拍劇，講笑啫，呢啲都唔係我考慮因素。」

陳豪不渴望攞獎，認為生ＢＢ也等同攞獎。	傅嘉莉增磅兼升cup。	黃芷晴（左）與黃美棋有望冒出頭來。

傅嘉莉升胸

同場的黃日華女兒黃芷晴表示香港電視不獲發牌也沒影響工作，她稱稍後會父女檔上陣工作，但未能透露詳情。谷胸上陣的傅嘉莉成功增磅，上圍由A Cup變C Cup。

文：名人組