名模陳嘉容（Eunis）身形纖瘦，原因是她很喜歡追求健康美食。L'Atelier de Joel Robuchon這家米芝蓮三星法國餐廳的菜式就深得她歡心，她說：「每逢有節日要慶祝，我就會去呢度，佢用料新鮮又健康，個Menu四季都唔同，會選用時令食材。其中我最愛嘅頭盤，有黑松露奶油菠菜茸，口感好滑，味道好濃郁，係完美嘅配搭；主菜有法國田雞薏米飯配青豆汁，田雞肉質好嫩滑，咬落好Juicy，薏米可以去濕去水腫，又高纖，非常健康，配埋青豆汁夠晒清新。另一個主菜係鴨胸鵝肝配resberry汁，個汁加咗醋，酸酸甜甜平衡番唔會膩。甜品就係雲呢拿拿破崙，最original係最好味。」