黃秋生證志偉食死貓
大前日曾志偉突然辭去演藝人協會會長一職，但各有說法，影帝黃秋生昨日在Facebook留言指志偉辭職是另有內情，為志偉叫屈，他寫道：「我證明志偉食死貓，我知道件事係點。」之後又補充：「因為發信前兩日我一直同個會保持通話。」隨即引來不少網民留言，其中有網民插志偉，令秋生不禁爆粗回應：「我今日飛，離開是非之地，信就信，吾（唔）信x就。」
另外，施南生昨出席環保活動時談到志偉請辭之事，她指有聽聞，問到會否感到可惜？她說：「佢咁有經驗嘅人，好清楚做每一件事嘅時機，唔使擔心佢。（好多人挽留佢？）我諗佢哋個會有個公開、透明制度去選會長，佢哋可以根據正常程序選番佢出來，不過我唔熟佢哋嘅章程。」
