Lynn借人把口祝福城城

天王郭富城舊愛Lynn前晚性感露背出席活動，提到城城明天48歲生日，她透過傳媒祝福對方。問剛轉新電話號碼的她為何不親自傳短訊給城城？她謂：「我唔知佢依家咩狀況，我怕有誤會，所以都係託你哋同佢講生日快樂。（怕畀人話餘情未了？）有少少。」提到她早前被拍得與富豪新歡慶祝生日，她澄清對方只是朋友的男朋友，亦未有心理準備接受新戀情。

寓所設警鐘及紅外線

城城與馬德鐘等前晚出席香檳活動，城城獲大會送上大型水晶蛋糕預祝生日。對於Lynn「借人把口」祝他生日快樂，城城表示：「多謝多謝。（佢話唔傳短訊畀你，驚被人誤會佢餘情未了。）唔好講喇，過咗去就算，唔想講。祝福佢幸福快樂，最緊要開心。」提到其住所鄰居被爆格，他稱已是本年度第二宗爆竊案：「其實我屋企保安唔係差，但可能有漏洞。我住高層，又有警鐘同紅外線，（啲賊）唔怕死就入嚟啦！」提到曾志偉辭退演藝人協會會長，他稱：「志偉係一個有分量、有心嘅人，要搵另外一個唔係冇，但要適應期。（你有冇興趣做？）唔好喇，我咁忙，我做幕後支持者。」

城城獲大會送上生日蛋糕。

馬德鐘認為無綫呼籲員工回巢是好事。

夏尉喻喪喊後暈倒

另外，同場的「寸嘴Barbie」夏尉喻早前被拍得與新歡Jerry翹手夜蒲，被問此事一度黑臉，並說：「我嘅朋友係圈外人，唔想我嘅職業牽涉到其他人。（佢係咪你男友？）我唔想透露朋友資料。」對於男方被指是溝女王，她忍着淚說：「我真係唔想講唔關於工作嘅事。（代朋友澄清？）所有事都唔係事實我唔回應。」說畢突然喪喊。及後她於活動中突然暈倒兼不省人事，在場的陳志健即為她急救，並call白車。她到醫院檢查後，當晚已出院，並返回家中休息。

文：名人組