TVB設合理工時
無綫行政主席梁乃鵬昨晚設宴為劇集《衝上雲霄II》慶功，席間繼續向員工大派「定心丸」：「最近睇咗廖啟智嘅一篇報道得到啟發，星期一開會後決定會培育TVB大家庭文化，要同事感覺到作為TVB一份子而驕傲，希望藝員有滿意嘅工作環境、合理工作時間、合理酬勞、廠景工作時間唔超過10小時、外景唔超過12小時，同埋有8成劇本先開劇。」
講到無綫「愛回家」計劃被指抽水，梁乃鵬謂：「只係想畀人覺得TVB『門常開』。」並強調沒對員工就香港電視發牌一事作指引。對於有指無綫收緊藝員返內地工作，他說：「冇，反而希望加強佢哋喺內地嘅知名度配合TVBC發展。」對於成立星夢娛樂有限公司與星煥唱片合作，他強調不會明益自己人，對其他唱片公司會亦會公平。