杏兒撻著圈外男兩個月玩完

無綫行政主席梁乃鵬昨晚在將軍澳電視城，宴請人氣劇《衝上雲霄Ⅱ》台前幕後出席慶功，包括張智霖、胡杏兒、吳卓羲、傅嘉莉等，但男女主角吳鎮宇和陳法拉則雙雙缺席。

不介意戀上老外

杏兒與黃宗澤七年情玩完後，先後與台灣男星黃少祺、內地小生于波及馬天宇等傳緋聞，但最近她在內地受訪時，承認與黃宗澤分後手後曾拍過一次拖，但已成為過去式。杏兒對此說：「之前都同大家講過有人追，佢係香港圈外人嚟，唔係做生意嘅，拍咗拖好短時間，只係兩個月，但係因為唔係咁適合，每個人都有自己生活習慣，已經和平分手。」她又稱現時沒拍拖，因太忙沒有追求者。

吳卓羲刻意迴避與曾傳緋聞的傅嘉莉合照。

朱晨麗（左）與沈卓盈笑言仍懷念拍《衝Ⅱ》時的點滴。

杏兒與黃宗澤不時傳翻撻，被問是否仍喜歡「舊口味」﹖她說：「哎呀！好難答，唔係因為呢啲，自己好忙，嚟緊要去法國拍嘢。」她笑言正學法文，不介意與外國人拍拖。對於有指無綫將收緊旗下藝員返內地工作，她說：「未聽過，我啱啱先喺北京返嚟，但都明白公司要人拍劇，希望取得平衡。」對於無綫「愛回家」計劃，杏兒認為無綫需要很多人才，最緊要人人有工開。

出租跑車唔知價

張智霖最近被指以日租二萬五千元借出林寶堅尼跑車為《變形金剛4》拍攝，他說：「幾錢就唔知，交咗畀經理人去傾。不過最開心係魔童，佢喺雜誌見到我哋架車好興奮，佢係變形金剛迷嚟，等部戲上會帶佢去捧場。」談到他最近客串老婆袁詠儀拍攝電視劇《龍門鏢局》，他坦言感覺怪怪，並自稱沒有收看老婆接受節目《最佳女主角》訪問，又指內容已經講過很多次。

文：影視組