Uny邀有心人放膽追

中國小姐趙哲妤（Uny）昨日26歲生日，獲邀出席水晶飾物專門店開幕活動時透露稍後會跟朋友去放生，過個有意義的生日。她開心謂今年首次有fans club為她搞生日會，並收到很多卡通公仔禮物。雖然身邊不乏追求者，但Uny感情方面未有着落：「有個追求者日前送咗隻名貴手錶畀我做生日禮物，佢從事金融行業，我知佢兩、三年來一直對我有意思，但追追吓又唔追，應該大膽啲！」Uny笑言以前想25、26歲便結婚生子，但現時明白照顧小朋友要很大責任，故希望另一半有經濟能力才生育。深怕變高齡產婦的她稱在30歲還未找到合適對象，便打算不生小朋友。