葉熙祺捱轟 與王力宏斷交

郭富城前緋聞女友兼內地o靚模葉熙祺昨日來港,出席護膚品牌Olay活動,她坦言不知道城城同日會出席另一活動,問她會否去探班?她說:「等我得閒先。(最近有冇聯絡?)唔答。」談到她最近於微博上載與王力宏的合照及一段內容曖昧的錄音,她解釋:「我講嘅係好客氣嘅說話,只係朋友間講笑。(畀佢啲粉絲鬧先刪除?)唔係,係我用另外一個軟件錄音,但原來會同微博同步,我發現咗就刪微博。(本來淨係錄畀力宏聽?)梗係唔係,我喺嗰個軟件都有粉絲。」

葉熙祺承認有力宏的電話號碼,但卻沒有聯絡。問到二人關係?她回應:「朋友嘅朋友。(同城城完咗,轉攻力宏?)冇呢回事。」她又稱不會再上載與男藝人的合照,以免引起不必要的誤會。