城城事業為重 唔熙罕拍拖
快將48歲生日的郭富城，昨日出席活動時透露母親沒有催婚，並自認是「事業型囝囝」；生日願望更未諗過要識新女友，趁機跟前緋聞女友葉熙祺劃清界線！
郭富城昨日現身旺角街頭，以品牌優雅形象大使身份為腕錶品牌LONGINES旺角旗艦店開幕任剪綵嘉賓。將於26日便48歲生日的他，獲品牌送上兩枚飛行手錶作生日禮物，他說：「知我就嚟賽車，送飛行手錶祝我似飛機咁快，好有心思。（另一隻送畀邊個？）送畀媽媽，佢年紀大，工作之餘都會氹佢開心。（媽咪冇催婚？）一路都冇，佢知我係事業型囝囝。」
賽車賀生日
城城表示生日當天將在上海參加慈善賽車比賽，未能與家人慶祝，又透露車手朋友會為他慶祝生日。問到生日願望是否想識新女友？他坦言：「暫時唔諗，工作為首要，（覺得好煩？）大家關心我啫。」提到他曾訂下結婚年齡，他說：「過晒啦，人一直向前望，工作令思想態度改變，工作態度冇變就得。」談到前緋聞女友葉熙祺經常與他同日出席活動，城城即說：「唔回應喇。（借你宣傳？）平時緋聞唔真實嘅唔回應都變是非，都係唔回應。（佢依家同王力宏傳緋聞，你甩身？）唔表達任何嘢，唔講好過講。」活動期間有幾名外籍男途人不停騎呢大叫：「Marry me！I love you！」又有小朋友冒險爬高欄杆遠望，可見城城吸引力強勁。
傅嘉莉「集郵」
同場的模特兒傅嘉莉（Kelly）和華姐倪晨曦分別露背及低胸性感上陣，Kelly表示首次與城城同場，非常興奮，更笑言在活動上會「集郵」。 文：名人組