周麗淇羶味 撼谷胸Mandy
昨日周麗淇（Niki）、名模Mandy Lieu、冼色麗、歌手吳若希及前香港電視藝人周家怡出席Levi's活動，谷出湯碗胸的Mandy秒殺全場，被記者笑搶盡「峰」頭的她說：「係咪太sexy？你哋鍾唔鍾意？」Mandy透露最近忙於在台灣拍戲，大爆自己套女殺手裝束勁性感，她笑言：「我下身係超短皮褲，上身又好性感，工作員人都話上下都唔望得，驚尷尬。」她稱與男演員對打時，對方因擔心起飛腳時會「踢波」，所以要改踢小腹，故NG頻頻。
有生仔計劃
至於Niki雖然大晒蠻腰，但都不敵Mandy吸睛，問到可擔心被搶鏡？Niki大方表示：「隨便搶！我唔會刻意騷性感，（你有咩可以騷？）我有羶味！」Niki透露因拍劇而捱壞身子，現正專注調理身體，問是否為生仔而準備？Niki聞言非常大反應：「我真係O晒嘴，生仔遲早都要嘅！」她又大晒恩愛說，有男友徐正曦的督促，腰圍已減到約22、23吋。
另外，周家怡謂9月底已經與香港電視滿約，暫時未有去向：「好在自己家庭負擔唔大，但有啲同事就冇咗飯碗。」至於可會「回巢」TVB？她坦言暫未有人與她聯絡。
文：音樂組