陳豪循規蹈矩 禁女人埋身
準爸爸陳豪昨日翹實比堅尼女郎出席活動，為人老實的他即尷尷尬尬「硬晒軚」，他直言婚後冇女埋身，但並非太太陳茵媺下禁令，只是自己傳統又保守，他更支持老婆拍親熱戲，但為免「個心唔舒服」，堅持罷看。
將為人父的陳豪昨日偕羅蘭出席「Blue Place（藍天地）香港旗艦店」開幕活動，獲比堅尼女翹手出場的他「硬晒軚」，受訪時直言有點尷尬：「自從我結婚後都冇乜女性行埋身邊。（太太陳茵媺唔准？）唔係，係自己比較傳統，男女授受不親，依家係有婦之夫，唔係咁好。咪睇我表面好開放，但其實我好保守。」
不過陳豪卻表示支持太太拍親熱戲，又大讚老婆是個好演員，但他自言會盡量少看，免得「個心唔舒服」，那麼他婚後會否少接親熱戲？陳豪說：「盡量避得就避啦。（底線？）冇，做演員要明白劇情需要，譬如嗰場戲講生離死別，臨別一吻都需要做，我會保護番個戲劇為主。」至於會否如當年拍電影《晚9朝5》中再露股？他即尷尬笑謂：「吓？唔好啦，我依家要身教。」
BB房如砌積木
陳豪又稱懷孕七個多月的陳茵媺要安胎，故日後會盡量少出活動，他更透露如「砌積木」般正添置BB用品：「依家慢慢砌緊，仲有啲未完成，都慶幸算一大部分都做咗，有啲人話幫我買，但我覺得要自己做番，至少我知道要買咩，自己去學習。」對於早前指考慮報讀育嬰班，陳豪指目前只是參考書本及搜尋網上資料中，並謂希望在陳茵媺產前做足準備。
文：影視組