阮兆祥開騷唱到上床
阮兆祥為紀念明年入行30年，早前膽粗粗自行申請伊館開騷，現定於12月14及15日舉行「阮兆祥2013一祥朋友演唱會」，一圓多年來的個唱夢。祥仔感激圈中好友一呼百應，現落實的嘉賓有伍詠薇、江欣燕、佘詩曼、湯寶如、朱咪咪、田蕊妮及陳敏之等，他說：「到時我會同佢哋喺床上面傾偈同唱歌，（怕唔怕畀女嘉賓生擒？）擒慣，我係『擒獸』，男嘉賓有張達明和黃子華，不過只會同佢哋吹（水）。」
祥仔曾想搵識於微時的李克勤及周慧敏任嘉賓，惜兩人要各自開騷沒檔期而告吹，而不邀「福祿壽」成員王祖藍及李思捷的原因，是他不想做重複的演出。另外，已逾20年沒有推出新歌的他，為配合演唱會已籌備新歌，感激王祖藍為個唱主題歌《世界仔》填詞，而唱片公司老闆兼好友黃柏高則送了一首新歌給他。問祥仔可會加場？他指15日日場已爆滿，會否添食就要視乎賣飛情況。