任達華十卡巨糖冧琦琦

任達華（華哥）與太太琦琦前晚出席健康食品活動，華哥已連續七年成為品牌代言人，司儀在台上問他與太太是否也沒有七年之癢﹖華哥甜絲絲說：「冇！時時好溫馨。」而著名內地攝影師陳漫又為二人拍了一輯廣告平面照，感覺似婚照，華哥見到照片後，笑言似結多次婚，又透露酬勞會用來買糖送給家中兩個女朋友（太太與女兒）。

禁拍跳樓戲

見琦琦手上戴上巨鑽戒指，問是否華哥口中所講的「糖」﹖華哥即笑住問：「得唔得呀？」琦琦搶答：「我老公表現唔錯，係好老公。」華哥坦言太太照顧家庭很辛苦，故會互送禮物。問到「粒糖」有多少卡時，華哥說：「等佢講啦，最近買嘅。（即係幾卡？）十全十美啦。」暗示重達十卡！琦琦撒嬌說：「如果佢再拍跳樓戲，我寧願唔要戒指。」

畀囡囡罰企

問到琦琦是否100分好老婆？琦琦冧爆笑說：「佢每日會讚我值110分，佢就爭一分喺食煙度，係個女同佢講戒煙先有用，我講就似陣風吹過。（之前華哥拍跳樓戲畀囡囡罰企，係咪佢唔戒煙，囡囡又罰佢企﹖）罰企成為咗佢好重要一部分。」華哥亦說：「我有改善空間，會戒o架。囡囡罰得好，等我知有咩唔好做。」不過琦琦就笑住揶揄老公：「就好似啲女人生完BB話好痛唔生之後又生。」問到二人會否再生BB﹖華哥笑謂：「唔會，依家湊一大一細已經夠，買糖都要買兩粒。」

文：名人組