盈盈「再嫁」嗌舒服 阿滕預演婚禮

滕麗名（阿滕）、麥長青（麥包）與湯盈盈、敖嘉年於賀歲劇《新抱喜相逢》中各飾演一對，昨日四人齊拍攝結婚戲，更分別以西式及中式結婚服示人，劇中，阿滕是影后，最大目標是做少奶奶，而現實生活中，她的婚期亦不遠矣，但她笑言：「我命硬，係賤骨頭，結咗婚都會繼續做嘢！」問到今次穿婚紗上陣，有如婚禮預演，阿滕表示其實每次拍結婚戲的感覺都好新鮮，因為對手不同便有不同感覺，與麥包也是「第一次」。她又笑謂：「今次着婚紗嘅感覺只係覺得好熱，助導喺現場都不停安撫我，係咁讚我靚，不過我冇諗過將來結婚件婚紗係點，不過我鍾意着婚紗多過着裙褂，浪漫啲。」