雨僑脷誘韓男 濕身任摸錫

現年28歲女星雨僑昨晚在首爾，為《喜愛夜蒲3》拍攝一場與韓星李世慜在溫泉酒店水中肉搏戲，她準備了三套野性私伙內衣開工，並黐足膠紙以防落水時34C咪咪春光乍洩，事前更要飲韓國米酒壯膽。拍攝時，穿白色小背心襯熱褲的雨僑與李世慜由池邊咀到池中，雨僑濕身後透出桃紅色Bra，十分火辣。隨後男方一邊撫摸雨僑「咪咪」及纖腰，一邊除去她的背心，之後李世慜更幾乎錫勻雨僑全身，更將頭貼實女方胸部，繼而攬埋一嚿！雨僑事後表示由於水溫低，拍攝時兩人震過不停：「落水時吸咗啖水，但冇理由吐落佢個口到，惟有自己吞落肚。」

身體語言溝通

雨僑指與李世慜雖然拍過咀戲，但因語言障礙，今次「肉搏」繼續零溝通：「都有啲擔心同緊張，惟有到時用身體語言搭夠。場戲有好多唔同體位，希望每個動作都一take過。呢次係自己嘅性感底線，其實都係意識大膽，都冇露點嘅。」據知，劇組花了50萬港元租借場地拍攝。

李世慜錫雨僑肚臍，意識大膽。

兩人咀嘴非常肉緊。

問雨僑有否向緋聞男友羅力威備案？她說：「都唔使點備案，上次同林德信都拍過，工作唔使特別講，睇報紙都知啦。反而有同媽咪、婆婆講，上次佢哋睇到報紙覺得同林德信嗰場戲太暴露喇。」此外，雨僑前日在當地警察局取景，拍攝一場掌摑李世慜的戲份，一take完成。

雨僑雖然在新片激戰連場，但強調絕不會露點。

陳柏宇透露與許亦妮有親熱戲。

柏宇戰許亦妮

陳柏宇與許亦妮前日則在首爾拍攝鬧交戲，他坦言與許亦妮有親熱及咀戲。問他知否女友有否不滿？他說：「女友一定唔like，惟有到時睇戲遮住佢對眼囉！」柏宇到首爾來去匆匆，為逛街情願不睡覺，最大收穫是與中學同學敍舊。