「麟李」擺擂台 正能量靠嚇
譚詠麟（阿倫）和李克勤昨日化身候選「特首」搞辯論擂台，宣布香港有大事發生，「2013左麟右李演唱會」的門票會在今日開賣，為港人帶來正能量！但兩人謂今次會「收肌」，只會有「臥底」人魚線，克勤更踢爆十年前阿倫本來提議演唱會改名做「雙龍出海」！
「歐洲坊鐘錶與溥儀眼鏡聯合呈獻左麟右李十週年演唱會香港有聲音」將於12月6日至11日在紅館舉行六場，兩位主角譚詠麟和李克勤昨現身記者會，兩人穿上筆挺西裝，站在辯論台上一唱一和，十足之前的候選特首辯論擂台。阿倫先宣布會有大事發生：「聽日（即今日）開始賣飛喇。」而克勤又借機用最近的新聞搞gag：「咁會唔會引發好多社會問題，要人排晒隊，但大家唔好排錯咗交表格（意指排幼稚園）嗰條隊。」
拍住雙龍出海
兩人又將周啟生的「樂壇已死論」擺上枱，克勤說：「我哋會照周啟生所講，開演唱會回饋社會，帶多啲正能量畀香港人。」阿倫亦表示周啟生的言論很發人深省。之後現場舞出兩條龍，寓意阿倫和克勤拍住檔「雙龍出海」！克勤更踢爆阿倫在2003年演唱會時曾提議用「雙龍出海」做演唱會名，幸好最後被「左麟右李」打敗。接着大會主辦歐洲坊鐘錶兼溥儀眼鏡行政總裁邱子傑連同太太為兩人送上蛋糕，預祝今次演唱會大賣。
收起「人魚線」
他們謂希望透過今次演唱會為香港人帶來歡樂，有人提議他們騷肌，阿倫笑言今次只有「臥底」人魚線，而克勤說：「以前做過一次就算o架喇，之前嘅鋼管舞同大隻佬唔會再出現，但取而代之會有更嚇人嘅演出。」但問到有何驚嚇演出？他們大賣關子，只謂要努力修煉，克勤說：「呢樣嘢唔講得住，但在公在私都受用嘅，又可以幫我哋瘦身，又有驚嚇效果，不過要花啲時間。」而對於周啟生的言論，阿倫說：「尋晚（即前晚《星夢傳奇》決賽）都話幫佢把脈，但佢都走咗喇，佢出發點係好嘅，係詞不達意啫。」
文：音樂組