郭偉亮評鄭世豪有爆發力
《星夢》評判之一的Eric Kwok（郭偉亮）昨接受電話訪問時戥鄭世豪開心：「好鍾意呢隻黑馬，遲來先上岸，又討好，佢喺台上唱歌嗰種信心、享受，將過去嘅歷史、屈咗廿幾年都爆晒出來，睇到佢最真摯嘅一面，就好似鄭俊弘喺第二集爆出嚟一樣，呢啲咪好睇囉！」
不過Eric覺得兩人票數可以拉近少少，亦覺得姚兵票數可以更多，始終家長或年長的人不懂得在電話下載投票程式，他說：「姚兵由內地來港發展嘅矛盾，香港娛樂界從來冇遇過類似佢呢種幽默嘅人。」他又坦言以《星夢》四強歌手的唱歌水準，跟《巨聲幫》相差不遠，但論演出水準，《星夢》的歌手就高好多。
另一位評判巫啟賢賽前睇好姚兵入三甲，可惜他揀了一首未必太多人認識的歌曲：「揀一啲觀眾有共鳴嘅歌係着數啲，鄭世豪就識揀Beyond嘅《不再猶豫》，加上佢演出經驗豐富，表現得好。」而鄭俊弘一直以來表現平穩，受到很多人關注，勝出也合理。