何傲兒否認食飯見家長

藝人何傲兒昨日出席商場中秋節活動，本月27日生日的她表示屆時會同家人食飯慶祝：「因為我農曆生日係追月嗰日，所以都會點蠟燭慶祝。」問到緋聞男友Wilson和四眼西裝男會否一同慶祝時，她即大呼救命：「係一大班人慶祝，我已經嚇怕晒所有異性朋友喇，我要澄清上次喺馬場只係同屋企人食飯，我daddy都有嚟。（四眼西裝男已經見咗家長？）冇見呀，真係愈解釋愈錯！我哋純粹係朋友，唔係發展緊。」隨即以工作扯開話題，她說：「之前同家姐都分別喺《星夢傳奇》比賽過，都算係重拾番我哋兒時嘅歌手夢，嚟緊希望同家姐一齊錄音，合唱一首歌。」