子珊連咀兩女被宗澤拗直
徐子珊在新劇中扮演同性戀者，與胡定欣及梁靖琪有曖昧關係，但最後卻被黃宗澤「拗直」， 角色關係實在七國咁亂，子珊笑謂：「咁樣先有啲新意。」
藝人徐子珊、黃宗澤、胡定欣、陳敏之等昨日在將軍澳電視城為新劇《點金勝手》進行開廠拜神儀式，向來甚少患病的子珊患上感冒，自言聲線很重鼻音，聲音十分性感，但擔心聲線不連戲。
子珊曾在《潛行狙擊》與黃宗澤有連場激烈親熱戲，但在新劇連咀戲也沒有，子珊說反而同定欣有曖昧關係，她說：「今次做TBG（女同性戀者），暫時都未見同定欣有咀戲， 好似會同Toby（梁靖琪）咀，但係都唔知出唔出到街啦！玩就試過咀田蕊妮，正式就真係未咀過女仔。」講到劇中角色關係混亂？子珊笑謂：「咁先有啲新意。」
金融才俊享艷福
黃宗澤最後與子珊一對，豈不是將子珊「拗直」？他透露子珊的同性戀角色只是劇情鋪排，劇中扮演金融才俊的黃宗澤身邊美女氹氹轉，記者笑言是否與現實中的他一樣？黃宗澤說：「我只係一個小演員，唔係咩CEO，多謝畀面，我都想，都係講佢哋係狂蜂浪蝶，我又唔係Chilam（張智霖），我應接不暇。」
定欣受訪指劇情最令她驚訝是與單立文拍咀戲，她說：「我平時叫豹哥做老竇，要同佢激吻，我幻想唔到畀佢強吻，拍嗰時我要灌醉自己，呢場仲緊張過咀子珊。」
文：影視組