曾志偉昨晚出席公開活動，同場有歌手羅力威、泳兒、亞姐黎燕珊與音樂人葉惠民及應屆港姐等撐場。志偉直言老友陳可辛的小三傳聞不可信：「佢絕唔會搞三搞四，仲有另一半吳君如睇到實一實，根本唔會有多餘時間！」
談到有指他與鍾珍爭任陳法拉經理人，志偉大讚法拉乃勤力演員，更謂：「鍾珍帶女仔特別好，會幫到佢。（法拉做到張曼玉第二？）佢嘅勤力係夠，但好多嘢要睇際遇。（你放手？）鍾珍話見多兩次睇吓點，（有冇親自同法拉傾？）有鼓勵過佢，佢想喺電影圈發展，喺TVB咁耐，我覺得佢同徐子珊都係好勤力嘅演員。」