渡海濠情：租金上升囡囡出征
美國三藩市有間三十年歷史嘅脫衣舞俱樂部，因為抵受唔住業主加租而光榮結業，據講租金由每月四萬三加至十二萬八，加幅咁乸脷，係人都頂唔住，而嚟自龍會嘅靚女佳佳，都話遇過同樣嘅問題喎！
投靠男友
佳佳話：「近年乜嘢都加，特別係租金至加得犀利，好似我住嘅單位原先二千蚊一個月，今年業主話要加到四千八，我真係搵埋都唔夠交租，惟有搵地方搬，但以我家陣嘅經濟能力，真係好難搵，搵咗成個月都冇消息，唔係要搬去郊外，就係要搬去啲環境好惡劣嘅地方。」咁點呀？佳佳話：「好在我男朋友多，目前咪住喺男朋友屋企囉！」有男朋友照顧，仲搬乜嘢吖？佳佳話：「你有所不知，同男朋友住有時好麻煩o架！」
意見多多
有幾麻煩呀？係咪畀佢晚晚搞住呢？佳佳話：「男朋友晚晚搞住，我都不知幾開心，但開心完，苦果就會隨之而嚟，第一，你會發覺自己冇晒自由，去邊都要同佢報告，有時同其他男仔去玩，返嚟就會審犯咁審，你話係咪煩；第二，男朋友會塞好多家務我做，大佬！我嚟寄居，唔係嚟做女傭，做乜嘢家務？有時做都唔緊要，最慘做完佢仲會彈，意見多多，所以住喺男朋友屋企，長遠都唔係辦法。」
佳佳Profile
年齡：21歲
三圍：34.5-25-35
撰文：小德
攝影：阿昌