袁詠儀（靚靚）主演內地劇《龍門鏢局》於內地四個電視台熱播，劇中靚靚作出大突破飾演奸角，令觀眾十分期待，可惜因為串星陣容鼎盛，加上片長關係，劇情被剪得支離破碎，在缺乏合理的交代下，靚靚忽然被安排與一名男角「撻着」，令觀眾覺得冇厘頭，紛紛於微博留言鬧爆，亦有粉絲擔心靚靚心情受影響，留言安慰偶像。投資方有見及此，正游說靚靚度期補戲。
身在香港的靚靚坦言：「有打畀相關製作人了解來龍去脈啦，不過我不知幾開心，因為好耐冇試過演嘅角色咁有回響，咪畀『Cool魔』以為佢威晒。（返去補戲？）有呢方面嘅打算，如果能夠令劇情更加圓滿，我相當樂意嘅。」