劉培基讚何韻詩乖女
已故巨星梅艷芳御用時裝設計師劉培基（Eddie）昨日出席自傳分享會，身為徒孫的何韻詩與名模劉娟娟現身撐場，曾為張國榮（哥哥）設計歌衫及封套的Eddie提到當年出席對方喪禮，瞻仰遺容時覺得對方靚仔到冇得彈，他說：「官仔骨骨同眉清目秀，雖然用咗個咁嘅方法做咗件事，但冇影響上天賜畀佢嘅美麗，真係好靚仔。」隨即大讚梅姐愛徒阿詩是個乖女：「喺阿梅喪禮上見到阿詩上香個眼神，就知道佢好愛阿梅。」
此時，強忍淚水的阿詩終於淚如雨下，並透露已邀請Eddie為其10月舉行的個唱操刀，對於容祖兒新歌《天窗》內容引發兩幫歌迷惘上罵戰，阿詩說：「冇留意，今日係Eddie哥哥自傳活動，網上各自胡亂猜測，要逐一回應好費神。」