樂基兒教訓o靚模 要有人格
o靚模為寫真各出奇謀，不惜透點露暈博出位，更批評名模Ana R.過時。前晚名模樂基兒（Gaile）及周汶錡（Kathy）一同出席活動，對此Gaile認為這些方法始終不行，而Kathy則謂o靚模應要尊重別人，齊齊維護名模聲譽！
前晚Gaile、Kathy及Amanda S.等一同現身夜店派對，股東之一的Gaile穿上白色薄身開衩裙到場，性感誘人！她透露首個設計的珠寶品牌Smoky Roses by Gia將於年底推出，並會於美國及澳洲網上售賣，問Gaile是否轉型？她說：「唔係，我最鍾意都係model工作，只係用做model賺嘅錢去做自己鍾意嘅嘢，而且我本身讀art，設計都ok！」
唔覺自己紅
談到時下o靚模透點露暈出位，Gaile坦言這些方法是不行的：「每個人都有自己嘅開始，最緊要人格好，但我自己就覺得呢啲方法唔work，一個人會紅就自然會紅，好多人都問我點解紅？我都唔知，我亦唔覺得自己紅，相比佢哋我太老喇！」
造B要開心
而Kathy對於o靚模的博出位行為就自言沒有資格批評，但當問到早前有o靚模批評Ana R.過時，她聽罷即說：「我覺得點都要尊重人，無論係唔係長輩，呢個係好基本嘅禮貌。」同場的Amanda S.就偕老公一同前來，但老公卻不肯合照，記者笑言可能因被她踢爆戀腳趾而尷尬，她笑說：「其實每個男人都有自己鍾意嘅嘢，所以我今日都特登着露趾高踭鞋，（塗腳甲油增情趣造人？）造BB要有好開心同放心嘅心態，我太多嘢諗就失敗，所以一過咗中秋我就打算飛走造人啦！」
文：名人組