李思欣歎茶最愛小籠包
無綫藝人李思欣鍾情到酒樓「歎茶」，最愛吃的不是叉燒包，竟是小籠包：「我好鍾意食蟹粉小籠包，每次去酒樓都一定會食。一咬開個小籠包，感覺到啲肉汁咇出嚟嘅時候真係好爽，試過最犀利可以自己一個人食晒一籠小籠包。另外我同老公Rick（范振鋒）亦都好鍾意食排骨，覺得酒樓嘅排骨醃得特別入味。」
為食的思欣又表示甜品方面最喜歡食杧果布甸：「每次飲茶我都會要一個杧果布甸做飯後甜品，仲會加勁多花奶，因為會香啲滑啲。」思欣透露愛「歎茶」全因自小受媽咪的飲食習慣影響：「我媽咪好鍾意去酒樓飲茶打發時間，細細個時成日都要陪媽咪去酒樓，慢慢連自己都鍾意咗，依家每個星期都至少去一次酒樓。而且酒樓係一個可以好好同屋企人食飯傾偈嘅地方，坐幾耐都唔怕被人趕，哈哈！」
