日本型男福山雅治，日前來港宣傳新片《神探伽俐略2：真夏方程式》，並接受本報訪問。對於新一輯換上吉高由里子飾演的岸谷美砂做拍檔，福山力讚對方：「岸谷對住湯川就似『大人對住年輕人』，為新片添加唔少精力與衝勁！」但講到查案時，福山就透露柴咲幸飾演的內海薰年紀較大，的確比較適合跟湯川拍檔查案。
事隔5年再拍系列電影，福山笑指感覺分別不大：「我冇特別詮釋角色的轉變，只係年齡大啫！」。他又透露工作人員為片中實驗做好準備，令自己能一次過完成實驗。而講到電影故事感人時，福山更似湯川上身，避談自己有否感動落淚，認真鬼馬。