鍾嘉欣嫌伍允龍唔專業
無綫花旦鍾嘉欣（Linda）昨日出席活動時，以色彩繽紛tube dress亮相，吸引數十名粉絲到場支持，並團結地叫喊Linda名字，為她打氣。她坦言當初Fans Club由只有三名成員，至今升至二百名，感到十分高興。她表示經常與粉絲以書信聯絡，希望與他們多點溝通和互動，她又大讚粉絲乖巧：「佢哋好多唔使考試先會嚟支持，我知佢哋好畀心機讀書。」
問到粉絲會否支持她與緋聞男友伍允龍一齊？Linda尷尬說：「我相信佢哋會相信偶像嘅選擇。（依家感情生活點？）低調，好秘密。」至於可會邀請伍允龍擔任演唱會表演嘉賓？她表示希望邀請專業歌手，而非演員，不過最後要由公司安排。她又自爆為演唱會門票感煩惱：「數目唔多，我只係開兩場mini concert，但好多親友都想嚟支持我。（伍允龍會否嚟支持你？）要問吓佢。」