法蘭茲拒過料益Justin

享譽國際的魔術大師法蘭茲哈拉瑞（Franz Harary）曾與不少國際巨星如米高積遜（Michael Jackson）、Usher、濱崎步等合作。他將於8月9日及10日於澳門新濠天地舉辦世界巡迴匯演，並會於8月1日率先舉辦一場戶外的亡命魔術，在約十層樓高的半空從密封的鋼箱中逃出。問到他可曾於表演時不慎受傷？他坦言：「我以前幫米高積遜設計咗一個將長釘穿過隻手嘅魔術，當你重複做咗好多次，個人就會鬆懈，唔做任何安全措施，結果有一次我就受咗傷，搞到流血不止！」

讚阿倫有潛質

問到與哪個藝人合作最難忘？他即笑說：「係Justin Bieber，佢係咁問我啲魔術究竟點變，咁我當然唔會話畀佢知呢啲商業機密。但係佢慣咗身邊嘅人都好遷就佢，咁樣真係好唔健康。不過佢依家仲好細，仲有好多機會畀佢成長。」另外，他亦表示曾與譚詠麟（阿倫）合作，更大讚對方非常有當魔術師的潛質！他說：「佢係其中一個令我印象深刻嘅藝人，佢真係好聰明，啲魔術真係一教佢就識！」

文：名人組