苟芸慧呻肥灰爆 舞甩beat
苟芸慧與松岡李那出席「一田百貨」荃灣分店開幕。苟姑娘衣着密實讓性感打扮、大騷長腿的「蔬菜女郎」松岡搶盡風頭，當大會安排二人與近日熱爆的Kumamon熊本吉祥熊齊跳開心舞時，苟姑娘明顯甩beat看似心不在焉，松岡卻跳得興起盡騷媚態，接受訪問時更風騷問記者謂﹕「係咪想食咗我呢？」
戒澱粉質減食肉
問到苟姑娘是否不擅跳舞，她靦腆答﹕「最近因為減肥都有同啲朋友去上跳舞堂，我都鍾意跳hip hop。我事先唔知要跳，又驚畀Kumamon打到，頭先都差啲中招。（畀松岡搶鏡？）最緊要大家開心。（着得咁密實？）今日我係環保大使嘛。」
苟姑娘自言對跳舞有興趣，問到會否向郭富城討教，她答﹕「我諗佢唔得閒，佢跳舞真係好叻，我覺得係佢嘅talent。（咁你嘅talent係乜？）遲啲先答你，我依家淨係想快啲可以以最佳狀態見人，成日畀你哋（指記者）講（肥），真係打擊咗，我好灰！」她又直言最近已戒澱粉質及減少食肉：「好似冇乜成效咁，希望遲啲拍《飛虎》，可以跟馬德鐘佢哋操弗啲啦。」
文：影視組