天明牛一 望囝囝便便通
藝人洪天明和湯盈盈前晚一同開生日P，天明表示生日願望是希望囝囝可以暢通地便便，而盈盈就獲老公錢嘉樂陪睇喪屍片慶生日，兩對恩愛的夫妻亦有即場獻上birthday kiss。不過未知是否已榮升「父母級」，眾人玩得沒有以往瘋癲，連一向以「喪玩」聞名的盈盈也罕有表示「一滴酒都冇飲」、生日指定動作「掟蛋糕」亦取消﹗
藝人湯盈盈和洪天明前晚一同在黃長興在天后開的法國餐廳開生日派對，一眾圈中好友包括歐陽震華（Bobby）、謝天華、阮兆祥、方力申、郭少芸、文頌嫻夫婦、姚樂怡夫婦、梁靖琪（Toby）、梁家樹夫婦等都有前來祝賀。
生日睇喪屍片
昨日牛一的天明表示生日願望是希望兒子身體健康︰「不過唔好快高長大，因為已經大得好快，同埋希望佢去廁所順利啲。（便秘？）係呀，有少少問題。」他又感慨表示為人父親後所有事都是圍繞着兒子︰「希望正日可以同個仔喺屋企影下相。（家蔚送咩畀你？）我叫佢唔好送，有都留番嚟送畀個仔。（不醉無歸？）好難講，醉都係謝天華先。」
而6月30日生日的盈盈就獲老公嘉樂陪睇喪屍片慶生日，嘉樂即笑老婆︰「係囉，生日流流睇喪屍片，不過好耐冇試過禮拜日出街睇戲。」他又表示買了「女人鍾意嘅嘢」來送給盈盈作生日禮物。問到盈盈有何生日願望，她笑說︰「我朝早一起身見到個女對住我笑，呢個就係我最開心嘅birthday gift。」而未知眾人是否全都榮升爸媽級，今年的生日派對亦玩得沒有以往瘋癲，盈盈說︰「今年係我最健康嘅生日，冇飲酒。（掟蛋糕？）Toby買嗰個蛋糕好靚又貴，大家都唔捨得掟。」姍姍來遲的Bobby與老婆，被問到帶甚麼來賀兩位壽星仔女時，他即攤開手笑說︰「一梳蕉！」
文︰影視組