蝦頭犀脷啜乾黃子華
舞台劇演員蝦頭（楊詩敏）處女下海，客串拍攝無綫新劇，「不惜」將螢幕初吻獻給拍檔黃子華，「艷福不淺」的子華遭兩度強吻十多秒，蝦頭賺到笑之餘更忍不住說：「我差啲連脷都想伸埋過去！」
近日黃子華忙為無綫劇《My盛Lady》開工，日前他便要拍攝與蝦頭的強吻場口，劇情講述子華因辜負前女友蝦頭，欲輕力自摑認錯，此時蝦頭上前阻止，卻反變成重捶擊打子華頭部，及後蝦頭跪地哭着憶說當年跟子華的邂逅過程，卻不慎因上衣領口太鬆走光。
「兩團肉不停轉」
直到要拍親吻戲戲肉，二人對望試位時忍俊不禁狂笑，蝦頭更激動得大叫：「原來係咁難！」子華頓時主動請蝦頭食香口膠，免得大家口腔有異味。完成第一Take後，子華覺得蝦頭僅有激情，沒有愛意，在第二Take期間，子華足足被強吻十多秒後順利收貨。事後蝦頭直言今次是螢幕初吻，子華愕然表示不知情，問到口感如何？子華賣口乖說：「好好錫啦，不過可能因為講我被強吻，我淨係感覺到兩團肉喺度不停轉。」蝦頭笑言連脷都想伸過去：「其實我哋識咗好耐，突然要錫個好朋友有啲怪怪地，佢仲要係我超級偶像。」
該劇監製文偉鴻透露為想帶給觀眾新鮮感，今次專誠找不一般的美女，希望營造出戲劇效果：「後來係子華幫手穿針引線，戲中蝦頭會同徐子珊爭仔，邊個贏賣個關子，總之會出人意表。」
文：影視組