周柏豪心照冇慰問阿樂
昨日周柏豪和老友余文樂齊參加籃球賽時，柏豪表現失準，他解釋：「因為對手水準好高，我都要練多啲波。」他謂沒有刻意慰問失戀的阿樂，因大家都知發生何事，況且在球場上已可發洩負面情緒。問他跟阿樂和吳雨霏皆是好友，可覺得左右做人難？柏豪只說大家支持他倆就可以了。
另外，日前柏豪在黃家駒的死忌誤寫生日快樂，惹網民炮轟，他先向家駒家人致歉，並解釋：「我寫時拍緊嘢，有人話係家駒嘅生忌，又有人話家駒嘅死忌，結果寫錯咗，我係冇心嘅。」他表示不會太介意被嘲笑「大文豪」，覺得從事娛樂圈要做好本分及學識忍耐，否則難在圈中生存。