余文樂守護Kary 空餘愛的紋身
余文樂和吳雨霏（Kary）這段「樂霏戀」維持一年便宣告斷纜，昨日阿樂為籃球隊作賽，首度現身為「分訊」解畫，阿樂仍處處維護Kary，指傳聞對她欠公平，對方亦非「黐身膏藥」，分手原因純粹兩個字：唔夾。而阿樂於熱戀期間所刻的紋身，亦於昨日曝光。
農曆新年余文樂和Kary結伴歐遊而驚爆兩人撻着，事隔不足半年，還以為兩人仍在甜蜜蜜中，沒想到愛火竟是一閃即逝，早在六月初兩人經已低調分手。直至日前分訊爆出，阿樂和Kary才透過經理人公司及分手信承認戀情到此為止。
昨日是阿樂甩拖後首度公開現身，為籃球隊出戰，然而表現卻相當反覆，上半場他手風欠佳，多次射失三分波，但下半場則狀態回勇連入兩球三分及走籃成功，為球隊取得八分成績。雖然情場失意，總算在球場成贏家。
合十懇請留情
球賽結束，阿樂難逃傳媒追問，他亦有備而來心情輕鬆，並表示雖與Kary分手，但仍有保持聯絡。對盛傳Kary太過「黐身」成分手致命傷，阿樂即撐Kary：「我唯一想講嘅，唔係報道所講嘅嘢，甚麼黐身，甚麼嗌交，咁對佢唔公平。」阿樂強調兩人是在和平氣氛下分手，大家有共識去決定。那麼分手原因是「唔夾」？阿樂爽快答：「係嘞！所有嘢我最清楚，冇人比我更清楚，唔想外界覺得佢（Kary）有問題，對佢唔公平，想保護番佢，要澄清番件事。」
既然阿樂處處關心Kary，「樂霏戀」僅維持半年是否感可惜？阿樂說：「其實唔係大家所知咁短時間，被你哋發現到依家就半年。（拍咗年幾？）係ｏ架。」阿樂稱自己心情還可以，比較擔心會是Kary：「佢做緊碟，希望大家唔好畀太大壓力，幫幫手啦。」講到有指性格不合，拍拖期間阿樂曾兩度提出分手？阿樂即言：「冇，冇呢樣嘢。」訪問完後，阿樂更向傳媒做出「合十」手勢，似乎要傳媒為兩人之事手下留情。
鬼片對白紋身
不過，昨日卻驚見阿樂右手臂留下與Kary拍拖期間的「愛的紋身」，刻着「All work and no play makes jack a dull boy（只顧工作，唔去玩，是個傻仔）」，這句諺語是電影《閃靈》中，積尼高遜被鬼上身後經常講的一句說話。據知阿樂在幾個月前才紋下，當時正與Kary熱戀中。
文：音樂組