孫敬安坐私人飛機追星
身為足球狂熱分子的孫敬安，上月與一班老友坐私人飛機到歐洲睇波兼旅遊，又與樸茨茅夫領隊夏利列納及巴塞球星佩奧爾、韋拿碰面兼合照，更已約實好友「再戰」下年世界盃，認真羨煞旁人﹗
一向是足球發燒友的孫敬安，在九十年代曾是甲組足球班主及港隊領隊，對足球的熱愛程度一直未有減退。上月，他就與一大班老友，齊齊坐私人飛機去睇波兼歐遊，又與英冠球隊昆士柏流浪領隊夏利列納及佩奧爾、韋拿等球星分別合照，絕對令所有球迷又羨慕又妒忌。感受過現場氣氛，孫敬安直言令他非常難忘，難怪他已約實好友「再戰」下年世界盃：「已經同啲朋友約好咗下年世界盃再一齊飛去睇，希望到時可以成事。」
睇盡西班牙甲組聯賽及歐洲聯賽冠軍盃決賽，孫敬安亦與老友借機歐遊，他說：「成個旅程用咗十幾日時間，去咗巴黎、巴塞隆拿、威尼斯、英國等等，每個地方大概留一至兩日。（太匆忙？）又唔會，啲地方其實自己去過，加上坐私人飛機可以慳返好多時間。」
工作大過天
除了睇球賽做「主打」外，歐遊時少不免吃喝玩樂享受生活，他就直言成個人肥晒，不過身為工作狂的他即時投入工作，果然工作大過天，他說：「本身去完個旅行返嚟都肥咗，不過一返到香港就忙住要搞露雲娜個演唱會，都已經瘦番。嗰日一落機已就返屋企放低行李，之後就即刻返公司開會。自己又唔覺得好忙，始終公事先係最重要，個騷咁成功自己都好開心。」
文：專案組