周秀娜歡迎異性埋身

早前有傳受情傷激瘦的周秀娜,日前成功增磅谷胸現身活動,狀態大勇的娜姐向ontv透露十分享受單身,她說:「單身都幾好,依家多咗時間喺香港,同朋友多咗食飯。」她又表示男性朋友比以前多,但就暫時未知有否發展空間,她說:「我自己對呢方面比較遲鈍,識多啲朋友冇所謂。」

問到是否男性不敢埋身?娜姐就笑指自己不是刺蝟或玫瑰花,身上沒有刺,暗示自己隨時迎接新戀情,她謂:「我係圓嘅,唔會拮親,感情就好似化妝或者護膚,要試吓新產品,但依家唔心急拍拖住。」問到舊愛陳偉成有否要求翻撻,她回應:「過咗去就唔想講。」