何潤東慣性露肉畀女追

台灣型男何潤東早前上ontv《娛樂 on Show》接受主持人俞詠文（Angela）訪問，因擔任安全套代言人而被封「教主」的何潤東，向Angela透露自己經常要赤裸上身拍廣告，笑言廣告商可節省不少服裝費用：「我拍廣告或拍戲時經常都被要求赤裸上陣騷肌肉，可能我畀人嘅感覺係我一定要露！之前試過拍電視劇《真心請按兩次鈴》嘅時候，導演刻意要加沖涼戲同游水戲畀我，仲堅持要我着少布嘅泳褲。其實請我拍戲或拍廣告係可以慳到唔少服裝費，因為畀我着條底褲就ok，哈哈！」

感情生活dry爆

問到擔任安全套代言人的何潤東，會否有計劃生Ｂ？他即笑言：「我感情生活DRY到爆，真係未有對象，所以短期內唔會生Ｂ。（如果將來生Ｂ，想要仔定女？）生仔好似好啲，因為囡囡到咗青春期會好令人憂心，好驚佢去識男仔，哈哈！」他更自稱「不婚男」，短期內不會結婚：「我真係無時間拍拖，亦想畀多兩、三年時間自己專注事業！」

何潤東表示自己短期內不會結婚。

何潤東接受俞詠文訪問，大談被女星主動追求經過。

凌晨被約健身

雖然單身，但外形「煞食」的何潤東直言曾遭女星主動追求：「我好鍾意健身，試過返內地拍戲時，有女演員於凌晨時分致電畀我，想我做佢嘅私人教練！」想知道何潤東如何應付追求者？想知道他更多的秘密？立刻Click入ontv去片啦！

文：專案組