盛品儒硬撐起「死」回生
亞視56周年台慶Logo在台慶日5月29日出街後，已被網民取笑設計似個「死」字，當時高層盛品儒死撐設計冇問題，更不認為亞視會中「死」咒，並笑說：「就算死都唔係亞視死，係其他人死！」事隔不夠一個月，亞視終於將「死」字稍作修改，新Logo的設計簡單似一個「56」字樣，底色亦由藍色變綠色，較有生氣，希望有「起死回生」之意。
離奇再被刪除
由於這個台慶Logo由亞視美術部和製作部負責，由高層審批通過，今次新Logo務求達致「起死回生」之意，除不用原本絲帶撓出字體，不想有死纏感覺外，還改用生氣綠，畫面效果更生氣。
昨日本報向亞視執行董事盛品儒了解修改Logo是否怕中「死」咒？他否認怕死，並繼續撐：「其實新、舊Logo我都覺得有時尚感同美感，修改只為順應民意，因為我知好多市民都好關心亞視，所以我哋都聽取意見，（怕中死咒？）梗係唔係啦！我再講，死都唔代表亞視死，亞視一定可以生存，仲愈做愈好添！」不過，這個新Logo在亞視官網短暫出現之後又被刪除，認真離奇！
而由亞視承辦的公益節目《海航慈善之夜》，公益組代表曾志偉將擔任嘉賓，節目於明日（周六）於本港台播出，因此為「無綫人」志偉又將出現亞視熒光幕中。
文：影視組